МОЛДАВИЈА ПРЕД ДЕСТАБИЛИЗАЦИЈА: Приднестровие бара заштита од Москва

Добивај вести на Viber

Молдавија е на чекор до дестабилизација. 

Властите во Приднестровие денеска усвоија официјална декларација со која бараат од Русија да ги заштити од Молдавија, која неодамна воведе мерки за економски притисок врз овој, свој проруски сепаратистички регион. Сепаратистичките власти сакаат Москва „да преземе мерки за заштита на Приднестровие во услови на зголемен притисок од Молдавија“.

Во декларацијата, усвоена на конгресот на пратениците од Приднестровие, се зборува за „социјален и економски притисок врз Приднестровие, што директно е во спротивност со европските принципи и пристапи за заштита на човековите права и слободната трговија“.

„Прифатете го апелот упатен до Советот на Федерацијата и Државната Дума на Руската Федерација со барање за спроведување мерки за заштита на Приднестровје во контекст на зголемен притисок од Молдавија, имајќи предвид дека повеќе од 220.000 руски граѓани живеат на териториите на Приднестровската Молдавска Република (самопрогласена) и позитивното искуство кога станува збор за акциите на руските мировни сили на Днестар“, се наведува во декларацијата.

Војната во голема мера ги отежна комуникациите и ја наруши трговијата и миграцијата на работна сила од Приднестровие во Русија.

Населено е главно со Руси, Украинци, Молдавци, а реалното население сега се проценува на помалку од 500.000 жители. Регионот се отцепи од Молдавија во 1990 година како одговор на пророманската политика што ја практикуваа во тоа време лидерите на тогашната советска република. По вооружените судири во јули 1992 година, лидерите на Молдавија, Приднестровие и Русија – Мирчеа Снегур, Игор Смирнов и Борис Елцин – постигнаа договори кои, со флуктуации, ја одржаа ситуацијата стабилизирана на теренот, каде што контингент од околу 1.600 Руси војниците се стационирани со ограничени можности за акција. Молдавија бара повлекување на овој контингент, кој ги чува важните депонии за муниција од времето на Советскиот Сојуз. Во 1999 година Русија вети дека ќе ја отстрани муницијата, но тоа ветување не го одржа.