Мостот Беласица намерно го запалиле „хулигани“
Објавено во: Македонија 08 Јуни, 2023
Мостот Беласица во Скопје намерно е запален од хулигани, рече градоначалничката Данела Арсовска во вестите на „Сител“ денеска по првичниот увид испратен до Град Скопје од МВР.
Според информацијата и доказите прибрани од МВР, станува збор за намерно потпалување, а Арсовска побара институциите поревносно да постапат во пронаоѓањето на сторителите и истите да бидат санкционирани
Во моментов се чека да биде комплетирано вешатчењето, за кое не се знае кога ќе заврши. Мостот „Беласица“ е затворен за сообраќај безмалку еден месец.
Барикадите се уште стојат, а на терен ги нема полицајците кои ги пренасочуваат граѓаните. Мостот го користат пешаци и велосипедисти, но и мотоциклисти.