Добивај вести на Viber
За 4 денари бензините, за денар и половина поевтинува дизелот од ноќеска на полноќ. Според последната корекција на Регулаторната комисија за енергетија, новата цена на ЕУРОСУПЕР БС-95 изнесува 79,5 денари, а на ЕУРОСУПЕР БС-98, 81 денар за литар бензин.
ЕУРОДИЗЕЛ ќе чини 71,50 што е поевтинување за 1,5 денар, додека екстра лесното масло за домаќинство од полноќ ќе чини 60,5 денари за литар. Цената на мазутот паѓа за 0,5 денари за килограм и чини 42,2 денари.
Причина за поевтинувањето на горивата се понискатата цена на суровата нафта на светскиот пазар во изминатите 14 дена, како и понискиот курс на доларот во однос на денарот. Намалувањето на рафинериските и на малопродажните цени на нафтените деривати е во просек за 4,01 односно за 2,83 отсто.
Следната промена на цената на бензините се очекува за две недели, кога Регулаторната комисија за енергетика ќе направи корекција зависно од движењата на цените на нафтата на светските берзи.