На Попоски му е тешко да прогнозира: Влада или нови избори?

Добивај вести на Viber

Министерот за надворешни работи Никола Попоски во интервју за Хрватска телевизија вели дека во моментов е тешко да се прогнозира дали ќе има нова Влада или нови избори.

Попоски вели дека праксата ни покажала дека најдобро е кога има влада со политички мандат, која може да носи одлуки и врз основа на одлуките одлучувате колку е успешна.

„Веројатно економската димензија е и најголемиот мотиватор за побрза стабилизација. Политичката криза веројатно ни го забави економскиот раст кој и  претходно беше меѓу најдобрите во регионот се уште останува добар, но веројатно многу подобро би направиле доколку се затвори кризата. Еден дел, би рекол, главниот дел од затворањето на таа криза е успешно спроведените парламентарни избори во декември и тоа беше еден предуслов од политичкиот договор кој го постигнавме во земјата. 

Во овој момент тешко е да се прогнозира кога во каква форма би формирале влада или дали би се одлучиле на повторни избори, но праксата ни покажа дека најдобро е кога имате влада со политички мандат, која може да носи одлуки и врз основа на одлуките одлучувате колку е успешна“, изјавил вицепремиерот Попоски запрашан кога и дали Македонија ќе добие стабилна влада.