НА ШАПКА И ВО МВРОВО ВРНЕ СНЕГ, МАГЛА НА ПЛЕТВАР - се препорачува прилагодена брзина на движење
Објавено во: Македонија 27 Декември, 2020
Сообраќајот на државните патишта се одвива непречено, по влажни коловози. Врнежи од снег има на Попова Шапка и во Маврово.
Поради појава на магла видливоста е намалена до 50м. на патниот правец Тетово- Попова Шапка и на планинскиот превој Плетвар.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.