Најновите трендови во проектниот и ИТ менаџментот претставени во Скопје
Објавено во: Македонија 26 Април, 2018 11:56
На првата Национална конференција за проектен и ИТ менаџмент која се одржа во Скопје од страна на десетина искусни предавачи од Македонија и регионот беа претставени најновите трендови за подобро управување со важни проекти и модерни искуства кои на компаниите без оглед дали се од ИТ сферата или не може да им донесат значајни подобрувања.
Во фокусот на предавањата на Рок Сајовиц беа искуствата со дигитализацијата во Словенија и за големиот напредок на компаниите со примена на модерни технологии кои го подобруваат процесот на работа и носат дополнителни вредности.
Сајовиц говореше дека многу е важно да започнат да се применуваат трендовите на Интернет на нешата, вештачка интелигенција, блокчејн, големи бази на податоци и учење на машините со цел да се забрзаат процесите, да се создадат нови бизнис можности, а со тоа и да се отворат нови работни места со висококвалификувана работна сила. Сепак, за таков исчекор потребни се промени и во образованието и дигитална трансформација.
Александар Стевкоски говореше за SCRUM системот на менаџирање на проекти во ИТ индустријата и како овој пристап овозможува креирање на квалитетни решенија, откривање на проблемите во рана фаза, распределба на обврските и исполнување на барањата на клиентите.
Симона Стевкоска пак, ги истакна предностите на агилниот SCRUM систем во споредба со Waterfall пристапот на раководење на проекти, кои се неговите недостатоци и како најдобро да се примени.
На конференцијата се посочија повеќе методи за мотивација на тимовите, за потребните лидерски вештини, за потребата од вклученост на крајните корисници и многу други новитети.
Првата Национална конференција за проектен и ИТ менаџмент е во организација на Семос едукација и Clear View бизнис центарот.
Можеби ќе ве интересира
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
ДСЗИ бара комисија за стручен надзор - таа ќе утврдува дали има пропусти во третманот и лекувањето на бебето
Кузеска: Фирма со тројца вработени за два месеци добила тендери од 1,2 милиони евра
Воздухот и понатаму е загаден, ама барем сега имаме подобар сајт да го гледаме
