НАЈСКАП ГРАД ЗА САМЦИ: Koлку пари се потребни за пристоен живот во Њујорк?
Објавено во: Свет 15 Март, 2024
За пристоен живот во Њујорк ви е потребна плата од 138.570 долари.
Њујорк е најскапиот град за самци за живеење во САД. За пристоен живот на еден човек во оваа метропола му е потребна годишна бруто плата од 138.570 долари или приближно 127.000 евра, покажа истражувањето на компанијата „SmartAsset“. Фирмата истражувала колкава бруто плата е потребна за пристоен живот во 99 американски градови врз основа на правилото 50/30/20.
Студијата наведува дека на семејство со две деца му требаат вкупно 318.406 долари годишно за пристоен живот во Њујорк.