14 Април, 2024
0.0256

Најскапа вода за пиење во Кочани, најeвтина во Маврови Анови

Објавено во: Економија 16 Мај, 2022

Добивај вести на Viber

Жителите на Кочани плаќаат највисока тарифа за метар кубен вода за пиење и тоа 43,92 денари, а цената за водата минатата година се зголемила за 10,02 отсто во спореба со 2020 година. 

Оваа е највисоката тарифа што ја применуваат давателите на водна услуга снабдување со вода за пиење на подрачја со над 10 илјади жители. 

Во оваа категорија на водоснабдителни компании, меѓу повисоките цени за метар кубен вода плаќаат и жителите на Свети Николе, каде цената изнесува 38 денари за метар кубен и се зголемила за 8,5 проценти. 

Жителите на Велес се исто така меѓу оние кои издвојуваат повисока сума за водоснабдување и тоа 32,99 денари за метар кубен.

Од друга страна, меѓу најниските цени за вода за пиење плаќаат жителите на Желино, каде метар кубен вода чини 13,10 денари. 

Исто така меѓу жителите кои живеат во населено место со над 10 илјади жители, а плаќаат меѓу пониските цени се и жителите на Врапчиште каде водата чини 13,6 денари за метар кубен. Нешто повисока цена, но меѓу трите најевтини локации во земајва е и Дебар, каде цената на водата изнесува 15,03 денари за метар кубен.

Ова се податоци од извештајот на Регулаторна комисија за енергетика и водни услуги, каде се дадени цените за минатата и предминатата година и споредба каде колку се зголемиле или намалиле цените на водата за пиње.

„Регулираниот период за кој се утврдени тарифите за водната услуга снабдување со вода за пиење или водоснабдување за давателите на водната услуга на подрачја со над 10.000 еквивалент жители е во времетраење од три години, во периодот од 2021 до 2023 година. Регулаторната комисија за енергетика го утврдува опсегот во кој можат да се движат тарифите за водната услуга, додека пак на предлог на давателите на водните услуги, крајните тарифи по категории на корисници ги одобрува Советот на општината на чие подрачје се дава водната услуга. Од податоците може да се заклучи дека кај 17 од 29 даватели на водната услуга, во 2021 година има зголемување на тарифата за домаќинствата во однос на 2020 година, кај три од нив има намалување, додека кај 9 нема промена“, се наведува во извештајот на РКЕ.

Намалување на тарифата за водоснабдување за домаќинствата има кај ЈКП Комуналец Гостивар и тоа за - 8,33 проценти. Најголемо зголемување од 21,5 проценти на тарифата за водоснабдување за домаќинствата се бележи кај ЈКП Комуналец Кичево.

Од податоците кои ги објавува РКЕ се забележува дека има поделба меѓу водоснабдителните компании според бројот на жители за кои обезбедуваат вода за пиење. Согласно оваа поделба се забележуваат разлики во цените за вода за пиење меѓу компаниите кои обезбедуваат вода за помалите населени места во земјава односно за подрачја со помалку од 10 илјади жители.  

Во оваа категорија највисоки цени за вода за пиење плаќаат жителите на Старо Нагоричане, каде за метар кубен вода се плаќа 32,43 денари. Веднаш по нив се жителите на Зелениково каде за вода се одвојуваат 31,06 денари за метар кубен, и потоа се жителите на Василево кои плаќаат 31.01 денар за метар кубен.

Убедливо најниска цена за вода за пиење во целата држава имаат жителите на Маврови Анови каде за метар кубен се плаќаат само 2,48 денари. Веднаш зад нив се жителите на Боговиње кои пак за истата количина плаќаат само 7,5 денари. Меѓу најниските цени за вода за пиење за своите корисници имаат и „ЈКП Гази БАБА-2007“, кои цената ја дефинирале на 11 денари за метар кубен.

„Од податоците може да се заклучи дека кај 24 од 38 даватели на водната услуга, во 2021 година има зголемување на тарифата за домаќинствата во однос на 2020 година, кај четири од нив има намалување, додека кај 10 нема промена. Најголемо намалување на тарифата за водоснабдување за домаќинствата се бележи кај ЈПКД Маврово Маврови Анови од -7,5 проценти. Најголемо зголемување на тарифата за водоснабдување се бележи кај ЈПКД Комунална Хигиена Новаци каде што тарифата за домаќинствата се зголемува за 11,6 проценти, се наведува во извештајот на РКЕ.

Обезбедувањето водните услуги во Македонија минатата година го спроведувале 77 даватели при што дел од претпријатијата дават повеќе водни услуги, односно, осум вршат снабдување со сурова вода наменета за водоснабдување на населението, 67 вршат водоснабдување, односно снабдување со вода за пиење, 57 вршат собирање и одведување на урбани отпадни води и 19 вршат прочистување на отпадни води. Покрај водните услуги, дел од јавните комунални претпријатија нудат и услуги за собирање и одведување отпад, услуги за зелени пазари, услуги за паркови и зеленило, одржување на гробишта и други јавни услуги.

Петранка Огнаноска

Можеби ќе ве интересира

Десет најплатени професии во САД: Девет се поврзани со медицината

Десет најплатени професии во САД: Девет се поврзани со медицината

Хотел Молика за прв пат со позитивен резултат, проект за изградба на спа центар

Хотел Молика за прв пат со позитивен резултат, проект за изградба на спа центар

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

Пад на продажбата на електрични автомобили: Зошто Европејците се враќаат на моторот со внатрешно согорување?

Пад на продажбата на електрични автомобили: Зошто Европејците се враќаат на моторот со внатрешно согорување?

Извршен директор на Nike: Тешко е да се биде иновативен кога луѓето работат од дома

Извршен директор на Nike: Тешко е да се биде иновативен кога луѓето работат од дома

„Длабоко сум благодарена за довербата и поддршката“ - Георгиева останува да раководи со ММФ

„Длабоко сум благодарена за довербата и поддршката“ - Георгиева останува да раководи со ММФ

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари