Намалената побарувачка од странство најголем проблем на преработувачката индустрија

Добивај вести на Viber

Менаџерите на преработувачките капацитети во државата ја оценуваат деловната состојба на нивните компании во јануари 2013 година како поповолна во однос на претходниот месец, а како понеповолна во однос на јануари 2012 година. Според анкетата која ја спроведе Државниот завод за статистика, менаџерите одговориле дека  обезбеденоста на производството со порачки е поповолна во однос на претходниот месец, како и обемот на производството во јануари 2013 година кој е поповолен во однос на претходниот месец. Очекувањата за обемот на производството во наредните три месеци се поповолни, како и очекувањата за бројот на вработените. „Во јануари 2013 година, залихите на суровини и репроматеријали, како и тековните набавки на суровини и репроматеријали се под и околу нормалата. Залихите на готовите производи во јануари 2013 година се незначително зголемени во споредба со претходниот месец“ покажува анкетата на Заводот за статистика. Најголемо влијание на ограничувањето на обемот на производството во јануари 2013 година имаат недоволната странска побарувачка со 27,5%, недоволната домашна побарувачка со 18,8%, неизвесното економско опкружување со 11,4% и финансиските проблеми со 9,5%. Просечното искористување на капацитетите на деловните субјекти во јануари 2013 година изнесува 60,0% од нормалното искористување