НАТО достави до Македонија листа за потребна воена помош за Украина

Добивај вести на Viber

НАТо минатата недела на Министерскиот состанок на министри за одбрана што се одржа во Брисел до Македонија доставил листа на воена опрема што ќе биде потребна за Украина, откри денеска министерката за одбрана Славјанка Петровска.

Македонија засега нема донесено нова одлука да испрати воена помош за Украина, но во консултации со Генералштабот, ако има можност да се излезе во пресрет на дел од потребите, тоа ќе биде направено.

–Минатата недела се одржа Министерски состанок на министри за одбрана во Брисел. Меѓудугото, имаше и сесија посветена на Украина, како центар на случувањата во овој подолг временски период. Беше поделена поголема листа на опрема која и е неопходна, а која заради сензитивноста е класифицирана. Во консултација со ГШ на АРМ доколку има простор и можност да се одговори позитивно на дел од тие побарувања, апсолутно ќе биде предложена до Владата повторно таква одлукаа, а за тоа ќе бидат известени медиумите и јавоста. Сега засега ја согледуваме нивната листа на побарувања, рече министерката во одговор на новинарско прашање.