„НАВАЛНИ Е УБИЕН СО САМО ЕДЕН УДАР ВО ГРАДИ, ПОСЕБНА ТЕХНИКА НА КГБ“: Состојбата е 97 проценти фатална ако не се реагира во рок од три минути

Добивај вести на Viber

Алексеј Навални најверојатно бил убиен со еден удар во срцето, техника што ја користела КГБ, наведува извор од затворот каде што бил затворен критичарот на Путин.

Модринките пронајдени на телото на опозицискиот лидер целосно одговараат со методот на егзекуција - „еден удар“, вели рускиот активист за човекови права Владимир Осечкин.

- Тоа е стар метод на одделот за специјални сили на КГБ. Тие ги обучувале своите оперативци да убијат човек со еден удар во срцето, во центарот на телото. Тоа беше заштитен знак на КГБ – изјави тој за лондонски Тајмс.

Осечкин, основачот на Гулаг.нет, група која собира сведоштва од затвореници и работници во озлогласените руски затвори, вели дека неговите информации потекнуваат од извор кој работел во казнената колонија на Арктикот каде што Алексеј Навални починал во петокот.

Неговата сопруга Јулија Навални го обвини Путин за убиство на нејзиниот сопруг, тврдејќи дека тој бил отруен со нервниот агенс Новичок и дека руските власти се обидуваат да го прикријат тоа.

На мајката на Навални, наводно, и било кажано дека тој починал од синдром на ненадејна смрт.

Осечкин, сепак, не е убеден и вели дека властите би можеле да го убијат Навални на кој било начин и дека не би сакале „да остават трага во неговото тело која може директно да упатува на Путин“.

Тој тврди дека Навални бил принуден да помине помеѓу два и пол до четири часа во отворен простор каде што температурата можела да се спушти до минус 27 степени Целзиусови ден пред неговата смрт.

Затворениците обично се држат на отворено не повеќе од еден час и во многу помалку екстремни услови.

- Мислам дека прво му го уништија телото така што го држат на студ долго време и ја забавуваат циркулацијата на крвта на минимум. И тогаш станува многу лесно да се убие некого, во рок од неколку секунди, ако оперативецот има искуство во тоа - објасни Осечкин.

Потоа, рече тој, може да се употреби еден удар, техника на криен атентат, наводно користена од специјалните сили на КГБ за да се избегне каква било индикација за причинат за насилната смрт.

Убиството со еден удар во срцето не е мит

Можеби звучи како теорија на заговор, но всушност е многу можно Навални да умрел на овој начин. Во историјата се забележани неколку случаи, особено во боречките вештини, кога некој умира по само еден удар во градите.

Тоа е состојба наречена срцев удар.

Срцевиот удар (лат. commotio cordis), кој е придружен со вентрикуларна фибрилација на срцето предизвикана од тапа траума на срцето, е една од ретките причини за ненадејна срцева смрт што може да се случи кај секое лице како резултат на тап удар на градниот кош, ако ударот се случи во одредена фаза од срцевите циклуси. Состојбата е 97 проценти фатална ако не се лекува во рок од три минути.