НБМ: Ризикот од Европа ита кон Македонија

Добивај вести на Viber

Народната банка на Македонија стравува дека поради продолжувањето и продлабочувањето на должничката криза може да растат проблемите и за домашната економија, а посебно во динамикатана економската активност. Банкарскиот сектор, утврдила НБМ, со учество од 88,6 проценти во активата на финансискиот систем, е носител на финансиската стабилност во земјата. НБМ смета дека во реалниот сектор го гледа најголемото влијание на кризата од Европа. - Ликвидноста е на многу ниско ниво. Обемот на активности и остварувањата на корпоративниот сектор и неговата ефикасност во справувањето со ризиците на кои е изложен, во голема мера, го определуваат расположливиот доход и воопшто финансиската моќ на населението – се вели во дописот од НБМ. Во 2011 година, констатира НБМ, банкарските активности растеа со забавено темпо во однос на претходната година, но нивното учество во бруто домашниот производ на земјата се зголеми. - Стабилноста на банкарскиот сектор се потврдува и со целосната покриеност на нефункционалните кредити со издвоена исправка на вредноста, со неговата висока ликвидност и висока и стабилна солвентност. Воедно, резултатите од извршените стрес-тестови покажуваат задоволителна отпорност на банкарскиот систем на симулираните шокови – се вели во известувањето од НБМ. Народната банка констатира дека дека пензиските фондови, со учество од 4,3 проценти и осигурителниот сектор кој учествува со 3,4 проценти се следните најзначајни два сегмента во финансискиот сектор.