„НЕ МОЖЕМЕ ДА ВЕРУВАМЕ ДЕКА НЕ НИ ДОЗВОЛИЈА ДА ДАРУВАМЕ КРВ ЗА НАСТРАДАНИТЕ ДЕЦА ВО ПОЖАРОТ: Голем број граѓани вратени од Клиниката за трансфузиологија

Добивај вести на Viber

Голем број граѓани кои утрово се упатија кон Клиниката за трансфузиологија во Скопје со цел да даруваат крв за повредените во страшниот пожар што синоќа ја погоди дискотеката во Кочани, непријатно биле изненадени кога оттаму ги вратиле. Им било кажано дека има доволно резерви на крв.

„Дојдов веднаш штом слушнав за трагедијата. Сакав да помогнам, но ни рекоа дека имаат доволно крв. Во вакви моменти не ми е јасно зошто не прифаќаат, кога знаеме дека секогаш е потребна“, вели за Фактор, Дејан од Скопје кој сакал да донира крв.  скопјанец, еден од граѓаните кои беа спречени да донираат.

„Бев во шок кога ни рекоа дека не ни треба нашата крв. Сите ние дојдовме со намера да помогнеме, а сега се враќаме дома со чувство дека не направивме доволно, сподели слично искуство и 50-годишниот Андреј, исто така од Скопје.“

Трагедија од невидени размери во Кочани

Во пожарот што избувна доцна синоќа во дискотеката „Пулс“ во Кочани загинаа повеќе од 50 млади луѓе, а над 100 се повредени. Пожарот избувнал околу 3 часот по полноќ, најверојатно како последица на употреба на пиротехнички средства во затворен простор. Свесни за сериозноста на ситуацијата, граѓаните масовно се упатија кон скопските клиники за да донираат крв, но дел од нив беа вратени.

Во меѓувреме на на социјалните мрежи се повикуват граѓаните да помогнат за Општата болница – Кочани. Апеелот е зa помош за обезбедување вода, физиолошки ќебиња и кислород во болницата во Кочани, како и помош при транспортот на дел од повредените во синоќешниот пожар кои се згрижени во болницата.

А. Б.