НЕ СЕ САМО СУШИТЕ ПРОБЛЕМ: Има повеќе фактори поради кои кафето ќе поскапува

Добивај вести на Viber

Сушите во Бразил и Виетнам ги намалија приносите на Арабика и Робуста, двата најшироко користени вида кафе, додека американските царини од 50 oтсто за бразилскиот извоз дополнително ги зголемуваат цените, се вели последниот извештај  на Меѓународната организација за кафе (ICO).

Се додава дека неодамнешното зголемување на цените на кафето е под влијание на климатските промени.

Бразил и Виетнам имаа суши и екстремни температури во последните години, поради што приносите се помали, а производството е поскапо. Индонезија и Уганда се соочуваат со поплави кои ги оштетуваат посевите и го отежнуваат берењето, намалувајќи ги приносите.

Друг фактор се болестите. ‘Рѓата на листовите е габична болест која влијае на арабика, особено во Латинска Америка, намалувајќи ги приносите за 10-20 отсто. 

Дополнителен проблем е недостатокот на работна сила. Бербата на кафе, особено арабика, често е рачен процес кој бара многу работници. Во земји како Бразил и Колумбија, недостатокот на сезонски работници ги зголемува трошоците бидејќи фармите се борат со миграцијата на работна сила или урбанизацијата.

Трошоците на производството исто така растат. Цените на ѓубривата, пестицидите и горивото се зголемија поради глобалната инфлација и нарушувањата во синџирот на снабдување, што ги зголемува трошоците за производство.

foto freepik.com