НЕ СТИВНУВА ИНТЕРЕСОТ ЗА КУПУВАЊЕ СТАНОВИ – во третиот квартал над 237 милиони евра свртени во купопродажба на недвижнини
Објавено во: Економија 14 Ноември, 2024
Тргувањето на пазарот на недвижности во Македонија продолжува со несмалено темпо. И најновите податоци за третиот квартал од тековната година откриваат дека граѓаните со сличен интензитет купуваат или продаваат имоти.
Согласно податоците на Агенцијата за катастар на недвижнини, во периодот јули - септември 2024 година во базата на Регистарот на цени и закупнини се внесени 7.491 трансакција, од кои 5.525 купопродажби на недвижности и 1.966 закупи на недвижен имот.
- Бројот на купопродажби регистрирани во Регистарот на цени и закупнини во периодот јули - септември 2024 година во однос на периодот јули - септември 2023 година е незначително намален, додека бројот на закупи е намален за 5 проценти – се посочува во нивната анализа.
Бројките покажуваат дека во истиот период минатата година, бројот на купопродажби достигнал 5.545, додека закуп бил направен на 2.070 имоти.
Податоците на Катастар откриваат дека вкупната вредност на остварените купопродажби на имоти во третиот квартал од годинава достигнува 237 милиони евра.
Притоа најголем дел од истругуваните имоти се становите. Само во третото тромесечие биле продадени или купени 2.115 станови, чија вредност достигнува 128 милиони евра. Голем интерес имало и за купување земјоделско земјиште. Имено, во овој квартал биле купени 1.651 парцели, чија вредност достигнува 15 милиони денари.
Паралелно со нив, голем интерес имало и за купување градежно земјиште и куќи. Па така во периодот од јуни до септември биле продадени 630 градежни парцели, и притоа биле свртени 18 милиони евра. Од друга страна биле продадени 644 куќи и притоа биле инвестирани 40 милиони евра.
Во третиот квартал од 2024 година најмногу купопродажби се регистрирани во септември, и тоа вкупно 1.923, додека во август се регистрирани најмалку купопродажби, и тоа 1.748.
Што се однесува пак до закупите туку е утврдено дека вкупниот број на евидентирани закупи на недвижен имот во споредба со истиот период минатата година се намалени. Како што пишавме погоре од 2.070 имоти колку што биле ставени под закуп во 2023 година, нивниот број овој квартал спаднал на 1.966. Притоа, во третиот квартал од 2024 година најмногу закупи се регистрирани во септември, и тоа вкупно 737, додека во август се регистрирани најмалку закупи, и тоа 581.
Податоците на Катастар откриваат дека вкупната вредност на договорените закупи достигнува 797 илјади евра.
Што се однесува пак до имотите кои биле ставени под хипотека, податоците на Агенцијата откриваат оти во периодот јули - септември 2024 година се запишани товари врз вкупно 2.037 недвижности со вкупна вредност од 398,2 милиони евра.
П.О.
Можеби ќе ве интересира
ЦЕФТА препорачува мерки за поедноставување на осигурувањето за моторна одговорност кон трети лица
ПЛАТИТЕ НА ДИРЕКТОРИТЕ ПОРАСНАЛЕ ЗА 40 ПРОЦЕНТИ, ИАКО „ТОНАТ“ ВО ДОЛГОВИ: ревизорите за работењето на АД Пошта
Ангеловска-Бежоска на Конференција во Тирана: Банкарските системи во регионот имаат капацитет да поддржат забрзана конвергенција
ГОЛЕМИ ИГРАЧИ ВЛЕГУВААТ ВО КРИПТО ИГРАТА: Би можел да достигне вредност од 125.000 долари до крајот на годината
Чифлиганец и Азманов станаа „ортаци“! Во која голема банка двајцата бизнисмени се втор и трет најголем акционер?
ЕСМ купил струја за 100 милиони евра, само преку берзата поминале 15 милиони евра
СЕ СОЗДАВА МЕГАГИГАНТ: Русија ги спојува своите три компании
ЕВЕ КАКО МИОДРАГ КОСТИЌ СТИГНА ДО ПРВИОТ МИЛИОН! Заработил со истовар камиони, доставувал пуканки, го вработил татко му и рекол дека е посилен од Гејтс
BOOKING НАЈАВИ ГОЛЕМИ ПРОМЕНИ: Што значи тоа за вработените и корисниците
