НЕДОРАЗБИРАЊЕ: Пендаровски нема да говори на Мечкин Камен, туку премиерот

Добивај вести на Viber

Иако вчера беше објавено дека претседател Стево пендаровски ќе говори одф Мечкин Камен на 2 Август по повод прославата на националниот празник Илинден како новоизбран шеф на државата, денеска од Владата излегоа со демант дека се работи за недоразбирање. Од таму денеска соопштија дека за прв пат говор ќе одржи премиерот Зоран Заев, а не претседателот Пендаровски.

„Во текот на вчерашниот ден настана недоразбирање во однос на одржувањето на Манифестацијата НКС „Десет дена Крушевска Република“, односно преку медиумите беше известено дека претседателот државата Стево Пендаровски ќе присуствува на 2-ри август во Крушево. На 2-ри август на Мечкин Камен во Крушево ќе се обрати премиерот Зоран Заев“, се вели во соопштението од Владата.

Оред две години свој говор од Мечкин Камен имаше Талат Џафери како новоизбран претседател на Собранието, а лани се обрати претходниот претседател на Македонија, Ѓорѓе Иванов, но настанот беше проследен со погрдни извици кон албанската етничка заедница и кон одредени делегации.