НЕМА ВРЕМЕ ЗА ЧЕКАЊЕ: Данска ќе ја испрати сета своја артилерија во Украина
Објавено во: Свет 18 Февруари, 2024
Нова воена помош за Украина стигнува од Данска. Данската премиерка Мете Фредериксен денеска најави дека земјата ќе ја испрати сета своја артилерија во Украина и ги повика европските земји да ги снабдуваат украинските вооружени сили со муниција и системи за противвоздушна одбрана, бидејќи „сега им се повеќе потребни“, пренесува „Euromaidan Press“.
„Но, Украина од нас бара артилерија и муниција во моментов. И затоа ми е жал, пријатели, но има воена опрема во Европа. Не се работи само за производство. Имаме оружје, имаме муниција и системи за противвоздушна одбрана Тие мора да бидат испратени во Украина“, рече Фредериксен.
Таа рече дека без оглед на тоа што моментално се случува во САД, Европа мора да преземе одговорност за сопствената безбедност.
Американскиот Сенат неодамна донесе закон за странска помош, вклучувајќи 60 милијарди долари за Украина.
Но, републиканците во Конгресот одбија да одобрат дополнителни средства и ја одложија седницата поради најавените празници до крајот на февруари.
Инаку, украинските трупи се повлекоа од градот Авдиивка. Руската инвазија на Украина почна пред скоро две години.