Нервозно на Блаце. Транспортерите ќе блокираат цела ноќ !

Добивај вести на Viber

Нервозно и тензично е вечерва на граничниот премин Блаце. Камиони на Здружението на транспортери Макамтранс ја блокираат границата веќе неколку часа. Еден шлепер е поставен на средината на патот, кој го отежнува движењето на патниците кои доаѓаат и одат на Косово. Практично патниците кои доаѓаат од Косово ја минуваат границата, но потоа има колони. Колоните се направени бидејќи еден шлепер е паркиран на средината на патот и прави блокада отежнувајќи го протокот на автомобили. Истиот шлепер го отежнува и протокот на патници од Македонија кон Коосво, кои имаат потешкотии за да стигнат до граничниот премин. Со оглед дека поголемиот дел од патот е блокиран, тука можат да поминат само автомобил, но не и автобуси. На другиот дел од граничниот премин каде што е лоциран терминалот за камионите – македонските транспортери – целосно го блокираат влезот и излезот од државата. Не се дозволува ниту влез, ниту излез на камиони, бидејќи македонските тарнспортери се целосно распоредени по и го блокираат целиот терминал. Полицијата е присутна на теренот, засега нема поголеми инциденти. Сепак, очогледна е нервозата на патниците кои реагираат дека на ваков начин не се решава проблемот туку дополнително се комплицира. Билјана Муратовска, која е присутна на терен со макеоднските тарнспортери вели дека тие ќе останат тука и во текот на целата ноќ, бидејќи штетите се огромни. Бараат итно решавање на состојбите, кои доведоа до трговска војна меѓу Македонија и Косово.