НЕВРЕМЕ СО ГРАД ПОПЛАДНЕВО ЈА ЗАФАТИ ГЕВГЕЛИЈА: Поројни дождови и силен ветер прогнозира Славчо Попоски и во следните денови

Добивај вести на Viber

Југот на Македонија попладнево беше зафатен од невреме со град и силен ветар, а метеорологот Славчо Попоски најавува дека од денеска нашата територија ќе биде под влијание на изразена влажна и нестабилна воздушна маса

Истата на многу места ќе условува поројни врнежи од дожд, грмежи и засилен ветер. Нестабилноста ќе биде поизразена од пладневните часови па натаму.

Локално ќе има појава на поизразено невреме, проследено со интензивен пороен дожд кој може да услови локални поплавувања, олуен ветер, силни електрични празнења и со појава на град.

На неговиот профил на ИмИнстаграм, Попоски наведува дека зминатиот период во Македонија се случуваа ЕКСТРЕМНИ ВРЕМЕНСКИ ПОЈАВИ. Повеќе места низ државава беа погодени од СИЛНО НЕВРЕМЕ и ПОПЛАВИ.

-Оваа година исто така, освен непогодите, регистрирани се дури две појави на торнадо. Едно е регистрирано над Охридското езеро и истото успеа да преврте дури и чамец, другото торнадо е регистрирано над Неготино и тоа неодамна и истото направи хаос во градот.

Исто така пред само неколку денови во Пелагонија е регистриран и метео рекорд. Станува збор за удар на ветер со брзина од дури 150 км/час. Најпогодени од невремето периодов се Тетово, Кавадарци и Неготино, а невреме имаше и во другите градови низ Македонија. Ваквите метеоролошки појави се поради климатските промени кој се се поизразени. Во иднина временските непогоди кај нас ќе стануваат се почести и посилни. Затоа граѓаните, како и надлежните треба да се подготват на тоа.