20 Октомври, 2018
0.3319
    ALK 8129.21    0.97%     BESK 9474    -0.27%     CEVI 1000    0%     FERS 61933.45    4.96%     GRNT 829.62    1.98%     KMB 5199.83    0.93%     KVAS 14056    0%     MPOL 319    10%     MPT 47735.31    1.74%     MTUR 4817.17    2.49%     OHB 6549.95    1.87%     OKTA 4842.37    3.03%     RMDEN09 98    0%     RMDEN10 97.1    1.89%     RMDEN12 97    -0.1%     RZLV 64.5    -0.42%     RZUS 120    2.56%     SBT 2303.81    3.6%     STB 1149.67    2.33%     STBP 1100    0%     STIL 135    1.12%     TEL 288    2.86%     TKVS 5350    8.08%     TNB 14700    2.38%     TPLF 824.9    9.99%     TTK 1173.93    0.46%     UNI 2300    -0.46%

Нов циклус обуки за земјоделците од струмичкиот и радовишкиот регион - кандидати за грантови за воведување на агроеколошки мерки

Објавено во: Мои пари 17 Јануари, 2018

Програмата за развој на Обединетите нации (УНДП), во рамките на Проектот за управување со сливот на реката Струмица, финансиран од Швајцарската агенција за развој и соработка, почна со втор циклус на обуки за земјоделците – кандидати за грантови за воведување на современи агроеколошки мерки.

Обуката содржи интензивен теоретски и практичен дел кој ќе трае до крајот на март 2018 година. Средствата ќе ги добијат најдобрите учесници кои успешно ќе ја завршат обуката и ќе го положат тестот на знаење. Добитниците на грантови во висина до 300,000 денари ќе бидат прогласени во април 2018 година, кога се очекува да започне и практичната реализација на мерките.


„Одличните резултати што изминатите години се постигнаа во преспанскиот регион веќе се постигнуваат и во југоистокот на државата. Добитниците на грантовите, под надзор на стручни тимови ангажирани од УНДП, постепено ќе ги воведуваат новите производни практики. На крајот од сезоната ќе се споредуваат постигнатите резултати по новите и старите методи на производство“, изјави Димитрија Сековски, раководител на проектот. „Оваа промена на земјоделските практики веќе се покажа како многу ефективна како по однос на намалувањето на негативните ефекти по животната средина, така и по однос на подобрувањето на производството“, вели Сековски.

Во вториот циклус на обуки ќе бидат вклучени повеќе од 80 земјоделски производители. Од нив, ќе бидат избрани најмалку 30 грантисти и тоа 10 за овоштарство и 20 за градинарство.

„По обуките сфатив дека поголемиот дел од она што сме правеле било неефикасно и штетно за животната средина. Но, сега од најдобрите стручни лица во земјата научивме како да го подобриме квалитетот на почвата без да загадуваме. Научивме и да наводнуваме тогаш кога е потребно со мерење на влажноста на почвата. Со тоа штедиме и големи количини вода“, вели Коце Божиков фармер од струмичкиот регион, еден од учесниците во првиот циклус од обуките.


Поддршката за земјоделците ќе биде преку набавка на современа земјоделска опрема, како што се системи за микронаводнување, уреди за следење на влажност во почвата, системи за фертиригација, опрема за следење на појавата на болести и штетници. За сите избрани земјоделски површини ќе се направат детални почвени анализи, врз основа на кои ќе се изработуваат програмите за наводнување и исхрана на културите. Идејата на програмата е избраните пилот фарми да станат пример за современо и одржливо земјоделско производство, што ќе може понатаму да се пресликува на многу поголема земјоделска површина во сливното подрачје.

Проектот за управување со сливот на река Струмица има за цел да воведе сеопфатни мерки со кои значително ќе се подобри еколошкиот статус на водните тела и целокупното сливно подрачје. Во партнерство со локалните земјоделски производители, се спроведат активности за зголемување на конкурентноста на земјоделското производство во регионот и намалување на неговото влијание врз животната средина, преку воведувањето на современи, агроеколошки мерки.

Можеби ќе ве интересира

Прекин на водоснабдување во Драчево

Прекин на водоснабдување во Драчево

Продолжува волонтерската програма на ЕВН

Продолжува волонтерската програма на ЕВН

Од понеделник автобусот со број 28 ќе сообраќа по изменета траса

Од понеделник автобусот со број 28 ќе сообраќа по изменета траса

Во недела на кејот на Вардар ќе се трча за поддршка на заболените од Вилсон

Во недела на кејот на Вардар ќе се трча за поддршка на заболените од Вилсон

Porsche влегува во електричната ера со новиот Taycan

Porsche влегува во електричната ера со новиот Taycan

„Европа“ врти нова слатка страница во својата историја

„Европа“ врти нова слатка страница во својата историја

Легендите живеат вечно!

Легендите живеат вечно!

РЕТРО СТИЛ ВО СОВРЕМЕНА ФОРМА: Нова фотосесија за Bitsiani есен/зима 2018

РЕТРО СТИЛ ВО СОВРЕМЕНА ФОРМА: Нова фотосесија за Bitsiani есен/зима 2018

НОВИТЕ CITROËN BERLINGO И CITROËN C4 CACTUS СЕ ФИНАЛИСТИ ЗА НАГРАДА НА AUTOBEST 2019

НОВИТЕ CITROËN BERLINGO И CITROËN C4 CACTUS СЕ ФИНАЛИСТИ ЗА НАГРАДА НА AUTOBEST 2019