НОВА ТАБЛЕТА ЗА СЛАБЕЕЊЕ НА ПАЗАРОТ: Килограмите многу поуспешно се симнуваат отколку со „Оземпик“ покажаа испитувањата
Објавено во: Свет 08 Март, 2024
Данскиот
фармацевтски гигант Ново Нордиск објави дека првите резултати од
долгоочекуваниот експериментален лек против дебелина Амикретин се многу
ветувачки. Како што објаснија, податоците покажуваат поголемо слабеење во
споредба со исклучително популарниот лек за дијабетес и дебелина Wegovy -
пренесува Ројтерс. На некои пазари, Wegovy е познат и како Ozempic.
Акциите на компанијата се зголемија за 4,6 отсто по објавувањето на резултатите од истражувањето и достигнаа рекордна вредност. Од јуни 2021 година, кога компанијата почна да го продава Wegovy во САД, вредноста на акциите е тројно зголемена. Форбс објави дека Ново Нордиск го надмина Тесла по пазарна капитализација по зголемувањето на цената.
Новата пилула за слабеење покажува многу ветувачки резултати. На тој начин акциите на данската компанија Ново Нордиск, која го развива лекот и ги претстави резултатите од испитувањата на лекот, достигнаа рекордни вредности.
Што покажа истражувањето?
Резултатите од првата фаза од тестот, што компанијата им ги претстави на инвеститорите, покажаа дека по 12 недели учесниците изгубиле дури 13,1 отсто од тежината со помош на новите таблети. За споредба, со лекот Wegovy, кој се смета за исклучително популарен во областа на борбата против вишокот килограми, учесниците изгубиле шест отсто од својата телесна тежина за 12 недели, пренесува Reuters.
Лекот Амикретин користи различна активна супстанција од лекот Wegovy, кој првично беше наменет за третман на дијабетес тип 2. „Лекот не само што е конкурентен и интересен, туку го потврдува и сето она што го предвидовме“, изјави главниот научен директор на компанијата Маркус Шиндлер.
Ново Нордиск веќе извесно време се бори со ненаситната побарувачка на лекови. Со постоечкиот производствен капацитет не може да ја задоволи моменталната побарувачка. Со цел да се зголеми производството на продажниот хит што го направи Ново Нордиск, највредната европска компанија минатата година, на почетокот на февруари објави купување на долгогодишниот добавувач Каталент и неговите три фабрики.
EPA/LISELOTTE SABROE