Новата принцеза ќе ја спаси британската економија

Добивај вести на Viber

Второто дете на војводата и војвотката од Кембриџ треба да се роди секој момент. Кулминацијата на големото очекување ќе биде на 25 или 26 април. И ќе ја засили британската економија со меѓу 20 и 250 милиони фунти, предвидуваат експертите. "Корисниците сигурно ќе трошат повеќе пари - по трговски објекти, пабови, ресторани. Бенефитот ќе се почувствува во форма на зголемување на купување на храна и пијалаци. И ќе бидат продадени многу сувенири, се разбира ", коментира економистот Мајкл Инграм. Раѓањето на Принцот Џорџ пред две години влеја во британската економија околу 243 милиони фунти. Ако овој пат Кејт роди мала принцеза, веста ќе биде уште подобра, објаснуваат експертите на Островот и аргументираат дека женските кралски деца традиционално даваат дополнителен поттик на трговијата. Кралските палати во Велика Британија се радуваат овие денови на голем прилив на посетители кои го чекаат раѓањето на новиот член на кралското семејство. Болницата "Сент Мери" е предмет на постојани посети на кралски фанови, од кои некои го веат британското знаме или облеката им е украсена во националните бои. Второто дете на Кејт, војвотката од Кембриџ, и нејзиниот сопруг, принцот Вилијам, ќе ја заземе четвртата позиција во линијата на Наследство на тронот. Друга туристичка дестинација е лондонската резиденција на Кејт и Мери - дворецот "Кенсингтон", рекламиран од дилерот на онлајн билети AttractionTix.co.uk како "официјалниот дом на идниот крал, принцот Џорџ" и неговиот брат или сестра. Од почетокот на април со 36 проценти се зголемени посетителите на дворецот "Виндзор", "Тауер оф Лондон" и други кралски објекти, велат од AttractionTix.co.uk за весникот "Сандеј експрес". Букмејкерот Вилијам Хил предвидува дека бебето ќе се појави на виделина меѓу 20 и 26 април. А најверојатно името ќе биде Алис, следено од Елизабет и Шарлот, иако кралскиот двор не правел никакви соопштенија за полот на детето. Претставници на дворот велат дека сакаат да се избегне "медиумскиот хаос", кој го следеше раѓањето на Џорџ во јули 2013 година - трет во линијата за Наследство на тронот, заземено сега од неговата прабаба кралицата Елизабета. К.К.