НОВКОВСКА ЗА ФАКТОР24: Реален, професионален и сериозен попис е можен најрано во 2020 година

Добивај вести на Viber

За квалитетен попис споредлив со меѓународните стандарди мора да се има стабилен општествен политички амбиент, подготовка на институциите за реализација на оваа статистичка операција и да направиме детална анализа на сите ризици, процеси и притисоци поради што пропадна  пописот од 2011 година,  вели во интервју за магазинот Фактор24 универзитетскиот професор и поранешен  директор на Државниот завод за статистика  проф. д-р Благица Новковска. 

„Сега има помалку општествени услови од пред шест години кога беше стопиран тогашниот попис. Новата статистичка опрација не смее да биде предмет на политичка манипулација и анализа со партиски интереси . Една од проценките за нејзината успешност е сврзана со методологијата на попишување. Ми се чини дека треба да реализираме комбиниран попис, користејќи ги традиционалните методи на теренско попишување и одговори од населението , а дел од одговорите за прашањата да се добијат со податоците и нивно извлекување од постојните институции .  Тие мора да располагаат со административни факти што имаат висок квалитет на веродостојност и споредливост“, објансува проф. д-р Благица Новковска.

Според поранешниот директор на ДЗС за да се организира реален попис во 2020 година, без тој да биде привремен или паушален, неопходно е наредната година да се донесе Закон за попис. Според Новковска  се помалку европски земји  вршат попис на население по етничка и религиска припадност. Според Евростат тие податоци не се обврзувачки.

„Со наредниот попис во Македонија може да има изнанадувачки резултати во актуелната структура и бројност на населнието во етничките заедници .  Ќе има интресни поместувања“, проценува проф. д-р Благица Новковска .

Универзитетскиот професор Благица Новковска тврди дека во Македонија не живеат  2 милиони жители . Но таа спори и  дека од државата се иселиле меѓу 5-600.000 илјади граѓани во последната декада, додавајќи дека  тој податок е прилично паушално пласиран. За универзитетски  професор од  факултетот за Туризам и Менаџмент и меѓународен експерт за статистика  загрижувачки е трендот на иселување од државата, но смета дека најголем број од иселените се  Македонци и Албанци и дека нивното заминување е започнато  во првите години од осамостојувањето на Македонија , но е интензивиран во последнта декада.

Интерланото интервју  со поранешниот директор на ДЗС проф. д-р Благица Новковска ќе може да го проследите во вечерашното издание на Фактор24,  заеднички телевизиски проект на веб порталот Фактор  и телевизијата 24Вести.

Во премирното издание  вечерва ќе го следите и портретот на православниот Албанец Бранко Манојловски, највозрасниот пратеник  во новиот парламентарен состав  што е избран од листата на ДУИ .

Ќе можете да видите и спротиставени експертски мислења  дали Груевски и Ахмети ќе формираат Влада  и дали СДСМ е алтернатива , доколку лидерот на ВМРО-ДПМНЕ  го врати мандатот. На крајот на емисијата ќе ја проследните и рубриката Факторизација. 

Уредник и водител  на Фактор24 е Горазд Чомовски.