Ново и помалку морбидно откритие на скелети во Амфиполис

Добивај вести на Viber

Човечки коски се пронајдени во античката гробница во Амфиполис во северна Грција која е откриена минатата година, потекнуваат од најмалку пет лица, вклучувајќи и една постара жена и бебе, наведуваат денеска грчки претставници.

Во ископувањата во Амфиполис е пронајдена голема, , засводена гробница, украсена со мермерни статуи и сфинги и млади жени, како и добро сочуван поден мозаик.

Во соопштението на Министерство за култура се наведува дека коските пронајдени во гробницата и припаѓаат на жена постара од 60 години, новороденче, двајца мажи на возраст од 35 и 45 години и уште една повозрасна личност, но не е позната нејзината возраст.

Гробницата датира од 325 година пред новата ера, две години пред смртта на војсководецот Александар Велики.

Експерти претпоставувват дека гробницата можеби е направена за некој генерал или роднина на Александар, иако на почетокот на искупувањата се појавиле шпекулации дека во неа би можел да биде погребан и самиот Александар, чиј гроб до ден денес не е откриен.

Во август минатата година е откриена гробница, со обем 500 метри, најголема досега пронајдена во Грција.

Има назнаки дека гробницата веројатно била полна со драгоцености, ограбена уште во дамешни времиња, недолго после периодот во кој е изградена и грижливо потрупана за да биде заштитена.