ОБЈАВЕНА СМС ПОРАКАТА НА РУСКОСКА: Од гаќи ќе ве истресам
Објавено во: Македонија 20 Ноември, 2019
„Ако ти со советот сте ја пуштиле Катица, да знаеш дека од гаќи ќе ве истресам цел совет со финансиска истрага. Заради судии како Вас, никогаш нема во ЕУ да влеземе. Ако не е твојот совет, се извинувам. Ама ако сте вие, ќе видите.“ - Вака гласи пораката која наводно обвинителката Вилма Рускоска ја испратила до еден од членовите на Кривичниот совет на Апелациониот суд Скопје кој учествувал во жалбена постапка по повод изјавените жалби на обвинетата Катица Јанева.
СМС пораката ја објави денеска Апелациониот суд Скопје.
„Апелациониот суд Скопје, во врска со изнесената содржина на СМС пораката, како и подоцнежен јавен настап на јавниот обвинител со слична содржина во медиумите, недвосмислено изразува став дека тоа претставува директна закана и грубо мешање во работата на судот каде јавното обвинителство е само странка во постапката.
Апелациониот суд Скопје смета дека ваквото однесување на јавен обвинител претставува искористување на позицијата на јавен обвинител и обид преку јавен настап да се наметне постоење на елементи на корупција во постапувањето на Кривичниот совет и да се изрази неосновано и паушално сомневање во поглед на правилноста и законитоста на одлуката на Кривичниот совет за определување на мерка куќен притвор која по својата законска поставеност и правна природа е мерка која после мерката притвор, претставува најстрога мерка за обезбедување присуство на обвинетите во кривичната постапка“, посочуваат во соопштението од Апелација.
Постапката на Рускоска, од апелација ја оценија како преседан во правосудниот систем
„Ваквото постапување на јавен обвинител претставува преседан во правосудниот систем со кое директно се нарушува угледот на судот, како и принципите на уставната поставеност на судската власт и слободното судиско убедување при донесување на судските одлуки, што во секој случај претставува кршење на Уставот, законите и Етичкиот кодексот на јавните обвинители.
Токму ваквото недолично однесување на јавен обвинител кој раководи со Обвинителството за организиран криминал и корупција, истовремено, претставува директно влијание врз текот на водењето на судските постапки и грубо го нарушува принципот на независноста на судството, како многу важен сегмент на владеењето на правото, а токму тоа може да биде пречка за пристапување на нашата држава во ЕУ, на кое нешто се повикува обвинителката.
За погоренаведеното писмено се известени и надлежните институции.“, информираат од судот.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Мицкоски: Васко Ковачевски е избеган, но ќе го обезбедиме
Екс-директорот на ЕСМ,Васко Ковачевски, избегал од земјата
МАКЕДОНЕЦ ПОЧИНА ВО БУГАРИЈА: Бил на одмор со семејството
СЕ ОГЛАСИ ДУИ ЗА ТОА ШТО АРТАН Е НА ЦРНА ЛИСТА НА САД: „Ја почитуваме одлуката на Стејт Департментот“
УАПСЕН ЕКС ДИРЕКТОРОТ НА ЕСМ ВАСКО КОВАЧЕВСКИ: Голема акција на МВР, 29 лица се уапсени
СЕЛА ГО ПОВИКА ГРУБИ ДА СЕ ПОВЛЕЧЕ ОД ПОЛИТИКА: „Апострофираните да се повлечат од јавниот живот и да се соочат со обвиненијата“
И ЌОСЕТО СО КОМЕНТАР ЗА ГРУБИ: „Затворско кодно име Артан нежни“
„НАДВОРЕШНО Е СИМПАТИЧНА, МЕЃУТОА Е РАЗМАЗЕНА И НЕОДГОВОРНА“: Советникот во град Скопје, д-р Пановски ја опиша градоначалничката Данела
„НЕ ПОСТОЈАТ БРАНИТЕЛИ ОД АЛБАНСКИОТ БЛОК, ТОА СЕ НАПАЃАЧИ КОИ СО НИШТО ПРЕДИЗВИКАА ВОЈНА“: Ангелов вели нема да ме убедите дека биле во право
