ОБВИНЕТИОТ БОРЕ ВИДЕВСКИ НА НЕФРОЛОГИЈА ПОРАДИ ВЛОШЕНО ЗДРАВЈЕ: Одложено судењето за убиството на Вања и Панче
Објавено во: Македонија 04 Октомври, 2024
Основниот кривичен суд Скопје денеска информира дека притвореникот Боре Видевски, кој е еден од обвинетите во предметот
со К.бр. 1339/24 поврзан со двојното
убиство на малолетната Вања од Скопје и велешанецот Панче Жежовски, година бил префрлен од затворот во „КПУ Затвор Скопје“ на Клиниката за Нефрологија поради влошена здравствена состојба. Хоспитализацијата се случила на 2 октомври 2024 година.
-Со оглед на новонастанатата ситуација, судот донесе одлука за одложување на расправите кои беа насрочени за 7 и 9 октомври. Во интерес на ефикасност и економичност на постапката, судењето ќе продолжи на следниот веќе закажан термин – 14 октомври 2024 година во 10 часот. Сите странки во постапката се соодветно известени за промените. Продолжувањето на судењето ќе го следи развојот на здравствената состојба на притвореникот, кој во моментов е под медицинска грижа, информираат од Кривичниот суд.