„ИМПРОВИЗИРАН МАГАЦИН, ВО ИМПРОВИЗИРАНА ДРЖАВА СО ИМПРОВИЗИРАН СИСТЕМ, ТОА СМЕ НИЕ“: За пожарот во зграда во Чаир се огласи и Ина Многуфина
Објавено во: Македонија 03 Октомври, 2024
Пожарот кој завчера вечерта изби во подрумски простории во зграда во Чаир, многу тешко беше изгаснат, а миризбата и чадот се раширија во повеќе околни населби.
Бидејќи се уште не е познато што гореше и кои се причините за пожарот, многумина реагираат дека станува збор за импровизиран магацин.
„Пожарот во Чаир го гасат 30 саати и не можат да го изгасат. 20 пожарникари, 3 пожарни, 100 луѓе евакуирани, 40 побарале лекарска помош, најмалото 5 месечно бебе. Горат неколку тони роба, пластични производи, кузнае што све, 4 бродски контејнери роба. Оштетена е зградата, таа статика веќе не е иста, имот на луѓето, дуќаните, здравјето, тоа све ќе го дишеме. Импровизиран магацин било. И сега ќе се праиме дека никој не знаел изгледа, што реално на инспекторите тоа им е работа. Следам и чекам да видам кој ќе понесе одговорност ама ништо. Импровизиран магацин во импровизирана држава со импровизиран систем. Тоа сме ние“, напиша Ина многуфина.