Обвинителството ги распореди предметите за Арафат Муареми и за техничката станица на „Беса транс“

Добивај вести на Viber

Четиричлена комисија формирана од Трајче Пеливанов, времен раководител со  Основното јавно обвинителство за гонење на организиран криминал и корупција, предистрагата од предметот оформен по поднесена анонимна кривична пријава против повеќе лица од Управата за финансиска полиција и доскорешниот директор Арафат Муареми е предаден на обвинителката Лиле Стефанова.

Предметот од предистрагата за станицата за технички преглед „Виа Комерц“ каде што на технички преглед минал автобусот на „Беса транс“, е распореден во работа кај јавниот обвинител Катерина Коларевиќ.

„Постапувањето по овие предмети ќе продолжи непречено и јавните обвинители на кои сега им се доверени ќе ги преземат сите дејствија во согласност со Законот за кривична постапка за да ги проверат наводите во поднесените кривични пријави.

По останатите предмети во Основното јавно обвинителство за гонење на организиран криминал и корупција нема никаков застој во постапувањето“, објави Основното јавно обвинителство.

Пеливанов како привремен раководител дојде на местото на Вилма Русковска, која е суспендирана на позицијата шефица на обвинителството за организиран криминал и корупција.