OД БУЕНОС АИРЕС ЗА ФАКТОР: Koпнеам за пет минути надвор, кога ова ќе заврши многу ќе ја ценам слободата

Добивај вести на Viber

Младиот Факундо Бохле од Буенос Аирес, Аргентина, по професија инженер за софтвери, за Фактор раскажува како го поминува времето за време на карантинот и колку очајно му недостига нормалниот тек на животот.

Аргентинската престолнина 17 дена, од 1 до 17 јули беше ставена во карантин, за да се спречи ширењето на коронавирусот. Бохле вели дека му недостигаат барем 5 минути надвор, да може да шета слободно, но секое излегување надвор без причина носи ризик да биде уапсен.

„Првин, барем за мене, тоа не беше проблем. Престојот дома е нешто во што обично  уживам како инженер за софтвер. Но, после некое време ќе почнете да се чувствувате лошо, депресивно, со вознемиреност и да копнеете дури пет минути да бидете надвор, а тоа го правам обично кога купувам намирници. 1 од 24 аргентински области живеат скоро нормално, со упатства за безбедност и социјално растојание. Сепак, во Буенос Аирес ви е дозволено само да излезете да купувате намирници или да одите во болница“, раскажува ова момче.

Додава дека во неговата земја има дел од електоратот, луѓе кои се против карантин, и кои протестирале без маски, со што придонеле бројот на заразени да расте.

Бохле вели дека се придржува до сите мерки за заштита од вирусот.

„Го поминав времето работејќи, канцеларијата ми е затворена и сега работиме од дома. Потоа гледам филмови или разговарам по телефон со семејството. Забележав дека спијам до 12 часа на ден. Веројатно тоа е несакан ефект на карантинот. Јас користам маски и ги преземам сите мерки за безбедност што ги предлага Министерството за здравство. Генерално, е многу негативно. Голем број луѓе ги загубија своите работни места. Многу луѓе се чувствуваат депресивно. Но, сите знаеме дека тоа е за наше добро, затоа се согласуваме дека треба да го задржиме овој начин на живот засега. Кога сето ова ќе заврши, ќе спортувам, ќе излезам, ќе се сретнам со моите пријатели и ќе патувам многу. Јас ќе ја ценам мојата слобода повеќе од сè“, рече Бохле.

Инаку, тој е голем обоважател  на Македонија, иако никогаш не ја посетил, но е информиран за земјава, а има и пријатели Македонци.

Aргентина има повеќе од 114,783 потврдени случаи, а над 2.100 починаа од коронавирусот.