Од денес започнува казнувањето за нефер трговски практики

Добивај вести на Viber

Од денеска, односно од првиот ден на новата година, како што е претходно утврдено, омисијата за заштита на конкуренцијата (КЗК) почнува со спроведување во пракса на казнените одредби од Законот за забрана на нефер трговски практики.

Овој закон беше изгласан лани,, како одговор на инфлацијата и кризата со зголемувањето на цените во малопродажбата, но беше потребно подолго време од неговото стапување на сила за да се спроведе контролата.

Со него се регулираат односите меѓу производителите, добавувачите и трговците, а тоа се очекува да донесе постабилни и пониски цени на производите во продавниците. Со Законот се ограничуваат надоместоците (за складирање, реклама, маркетинг и персонал) и рабат најмногу до 10 отсто Во меѓувреме и самата Комисија за заштита од конкуренцијата го зголеми својот капацитет со пет нови членови.

- Оваа разлика директно влијаела на крајната цена на земјоделските и прехранбените производи, а ние се надеваме дека со доследно спроведување на Законот за одреден период ќе имаме стабилизација на цените на прехранбените производи и нивно постепено намалување, велат за МИА од Министерството за економија и труд.

Прекршочната постапка пред Комисијата се поведува по службена должност или по барање на физичко или правно лице, а глобите шо може да ги изрече КЗК се различни и зависат од видот на прекршокот и големината на прекршителот (микро, мал, среден и голем трговец) и варираат од 50 до 20.000 евра за потешките прекршоци согласно Законот доколку се утврди дека правното лице кое во својство купувач кон неговите добавувачи употребува значителна преговарачка моќ со наметнување нефер трговски практики.

Со Законот за нефер трговски практики во синџирот на снабдување се опфатени 2.548 земјоделски и прехранбени производи, а во мониторинг периодот утврдени се 26 нефер трговски практики.