Од ВМРО-ДПМНЕ велат дека Груевски е во Скопје, иако не дојде да ја слушне пресудата
Објавено во: Македонија 23 Мај, 2018
Пратеникот на ВМРО-ДПМНЕ, Александар Николовски, мисли дека неговиот поранешен претседател и екс премиер, Никола Груевски е во Скопје, но одби да одговори зошто не присуствуваше на денешното изрекување на пресудата во случајот „Тенк“.
„Мислам дека имаше одговор од одбраната, ова прашање ве упатувам да и го поставите на одбраната. Јас не сум одбрана и не сум адвокат да ви одговарам на прашањето,. Мислам дека е во Скопје, немам познавање за да можам да ви објаснам во стручниот дел“ – рече Николовски.
Од ВМРО-ДПМНЕ на прес-конференција рекоа дека судството има двојни аршини и дека се носат политички пресуди.