Охридска банка забележа пораст од 5%

Добивај вести на Viber

Билансот на состојба на Охридска банка АД Охрид на крајот на Септември 2012 година изнесува 25,4 милијарди денари и забележа пораст од 5% во однос на состојбата во септември 2011 година, односно пораст од 4,5% во однос на состојбата на билансот на банката на 31.12.2011 година. Вкупните депозити од клиентите во наведениот период учестуваат со 75,8% во билансот на состојба и евидентираат пораст од 13,4% во однос на декември 2011 година. Структурално најголемите промени се во делот на депозитите на правните лица кои се зголемени за 14,2%, додека депозитите од физичките лица се зголемени за 7,4%. Овој пораст е особено значаен ако се има во предвид реализацијата на претходно најавените повлекувања на значајни износи на депозити од неколку големи клиенти во текот на септември. Вкупните кредити на клиенти изнесуваат 14.261 ммкд на нето основа или 56% од билансот на банката и се за 240 милиони денари повисоки споредено со август 2012 година и 903 ммкд споредено со декември 2011 година. Остварениот финансиски резултат во периодот Јануари-Септември 2012 година изнесува 87,8 милиони денари што е значително повисок во однос на остварениот резултат во истиот период од 2011 година кога изнесуваше 31,8 милиони денари. Значително повисокиот реализиран резултат се должи на: - Повисоките приходи од редовно работење во чии рамки значителен пораст бележат нето приходите од провизии (24,7 ммкд или 21,9% ) и нето приходите од камати кои се повисоки за околу 5 ммкд, - Остварени повисоки останати приходи во кои е вклучен позитивен ефект од остварена капитална добивка, - Реализирана заштеда кај оперативните трошоци и зајакната контрола со цел да се ограничи нивниот пораст, - Пониски трошоци за оштетување на дадените кредити во однос на минатата година, со позитивно влијание на наплатата во тековната година.