Општина Центар го укина бесплатниот превоз за екскурзии
Објавено во: Македонија 17 Мај, 2018 15:04
Општина Центар со одлука од оваа година повеќе не издвојува средства за бесплатен превоз на еднодневна екскурзија за децата од основните училишта.
- Парите се пренаменети само за деца кои спаѓаат под ранливи категории. Досега локалната самоуправа уплаќаше по 200 денари од ученик. Известени се сите основни училишта - изјави Катерина Цаневска, гласноговорникот на Центар.
Родителите сега сами си плаќаат за тековните пролетни екскурзии кои се одвиваат овие денови.
- По малку сме затекнати, бидејќи ќе беше подобро за нашите деца со бесплатниот превоз. Вака превозниците ќе се обидат да сместат што е можно повеќе ученици во што помалку автобуси и тие ќе седат на подовите без воопшто да има комоција - се пожали родител на ученичка од осмо одделение од ОУ „Гоце Делчев“
Претходното раководство на градоначалникот Андреј Жерновски донесе одлука од 2016-та да биде обезбеден бесплатен превоз за сите деца-ученици од основните училишта под надлежност на општината.
А.К.
Можеби ќе ве интересира
ФАКТОР НА ДЕНОТ: Министерката за финансии негира затворање на Трезорот
Нема да се издаваат изводи, венчаници и други потврди - ќе има штрајк во Управата за водење на матични книги
Овој град од соседството е гастрономски рај со евтини цени: Еве каде Македонците јадат како локалци, а плаќаат помалку
Од фирма од Битола до невладина од Скопје: кој стои зад „Зимзоленд“
Апелација ја зголеми казната затвор за Васил Јованов на 13 години
Кривичен суд: Kaтица Јанева осум месеци на условен отпуст
Пријава против поранешниот градоначалник на Демир Капија за контаминирање вода за пиење
