06 Февруари, 2023
0.0210

Отворање на сензорна соба опремена со мноштво на дидактички материјали и сензорни елементи во ООУ „Ј. Х. Песталоци“ – Скопје

Објавено во: Мои пари 01 Декември, 2022

Добивај вести на Viber

Проектот „Биди ИН, биди ИНклузивен, биди ИНклудиран“ кој е финансиран од Европската Унија опреми уште една сензорна соба со мноштво на дидактички материјали, сензорни елементи и рехабилитациско-рекреациска опрема. Со оваа проектна активност, од денес наставниот и стручниот кадар од ООУ „Ј. Х. Песталоци“- Центар има на располагање низа алатки за работа со учениците од ова училиште, особено со учениците со интелектуална попреченост, со комбинирани пречки, учениците од аутистичниот спактар, со АДХД и др.

„Квалитетното образование, пред сè, инклузивното образование е предизвик за секоја локална самоуправа и дополнителен мотив е во континуитет да се вложуваат ресурси за децата со пречки во развојот. Концептот за инклузивно општество и вклучување на овие ученици во редовната настава се дел од образовната стратегија на oпштината и, во таа насока, сензорната соба што од денес ќе им биде достапна на децата од ООУ „Ј. Х. Песталоци“- Центар е само уште еден чекор кон исполнување на главната цел, а тоа е нивна целосна инклузија.”, изјави градоначалникот на Општина Центар, Горан Герасимовски.

„Важноста од една ваква интервенција е огромна за нашето училиште, особено имајќи на ум дека во нашето училиште учат 21 ученик со попреченост. Од денес со гордост може да кажеме дека нашето училиште е поинклузивно и овозможува високо-квалитетно образование и можност на секое дете да ги оствари своите потенцијали. Се радуваме што во пресрет на Меѓународниот ден на лицата со попреченост можеме да го споделиме овој исчекор кон обезбедување на еднакви услови за развој и учење на сите ученици и сите заедно уште еднаш да пратиме порака за еднакво општество за сите.”, истакна директорката на училиштето, Катерина Атанасова.

Проектот „Биди ИН, биди Инклузивен, биди ИНклудиран“ го спроведува Фондацијата „Чекор по чекор“, заедно со своите партнери Здружението за промоција и развој на инклузивно општество „Инклузива“ и Здружението за давање услуги на лицата со попреченост „Хандимак“, а се реализира вo соработка со Министерството за образование и наука. Целта на проектот е унапредување на можностите за образование на учениците со попреченост и развој на инклузивното образование и досега се отворени 20 сензорни соби и 10 инклузивни игралишта, а неколку училишта добија и асистивна технологија и дидактички материјали за лица со попреченост. Исто така, како дел од проектот се доделуваат и месечни стипендии за 468 ученици со попреченост, а се обезбедува и туторска поддршка за учениците стипендисти.

Можеби ќе ве интересира

БРАКО ПОЧНА СО ПРОИЗВОДСТВО НА МЕДИЦИНСКИ ПАРАВАНИ СО НОВ ДИЗАЈН

БРАКО ПОЧНА СО ПРОИЗВОДСТВО НА МЕДИЦИНСКИ ПАРАВАНИ СО НОВ ДИЗАЈН

Капиталните инвестиции и кредитниот раст во главен фокус на Стопанска банка АД - Скопје

Капиталните инвестиции и кредитниот раст во главен фокус на Стопанска банка АД - Скопје

Можна соработка на Клиника Жан Митрев со Израел

Можна соработка на Клиника Жан Митрев со Израел

Невена Смилевска, CEE Bankwatch Network: Потребно е да ја поттикнеме енергетската транзиција на домаќинствата за да се намали енергетската сиромаштија

Невена Смилевска, CEE Bankwatch Network: Потребно е да ја поттикнеме енергетската транзиција на домаќинствата за да се намали енергетската сиромаштија

Ковачевски: Компании како Виталиа имаат значајно влијание на растот и развојот на економијата во земјата

Ковачевски: Компании како Виталиа имаат значајно влијание на растот и развојот на економијата во земјата

Како да изградите здрава навика за штедење

Како да изградите здрава навика за штедење

ЕДС Инфо поинт: Просечната цена на струјата на HUPX берзата во февруари досега изнесува 152,34 евра за мегават час

ЕДС Инфо поинт: Просечната цена на струјата на HUPX берзата во февруари досега изнесува 152,34 евра за мегават час

Денско и ноќно скијање, забава за сите возрасти: Топ викенд во Крушево

Денско и ноќно скијање, забава за сите возрасти: Топ викенд во Крушево

Кукутанов природни вина со богат вкус за комплетно уживање!

Кукутанов природни вина со богат вкус за комплетно уживање!