ОВА СЕ ТОЛКУВА КАКО НАГРАДА ЗА ТОРТУРАТА: Путин унапреди висок затворски функционер по смртта на Навални
Објавено во: Свет 20 Февруари, 2024
Рускиот лидер Владимир Путин унапреди висок затворски функционер неколку дена откако во затворoт почина рускиот опозициски лидер Алексеј Навални, јави ДПА.
Заменик-шефот на затворската управа на ФСИН, Валериј Бојаринев е унапреден во генерал-полковник на Министерството за внатрешни работи.
Иван Жданов, директорот на Фондацијата за борба против корупцијата, основана од Навални, во вторникот на својот канал Телеграм напиша дека Бојаринев е лично одговорен за тортурата на Навални во затвор.
„Ова мора да се сфати како отворена награда на Путин за тортура“, коментира Жданов за унапредувањето на Бојаринев.
Навални (47) почина во петокот во сибирски затворски логор во северна Русија.
Ослабен од повеќекратното затворање во самица, Навални наводно колабирал за време на прошетка во замрзнатиот затворски двор, и починал и покрај обидите за реанимација, потсетува ДПА.
Руските власти одбиваат да им дозволат на роднините на Навални пристап до неговото тело.
Во јули 2023 година, наредбата на Бојаринев да ја ограничи способноста на Навални да купува храна и секојдневни потреби стана позната за време на судското рочиште против Навални. Затворениците вообичаено можат да ги користат своите пари за да ги надополнат своите скудни оброци во затворската продавница.
Унапредувањето на Бојаринев стана познато во понеделникот кога беше објавен претседателскиот указ во правната база на податоци, јави ДПА. Покрај Бојаринев, во чин генерал беа унапредени уште тројца полицајци. Портпаролот на Кремљ, Дмитриј Песков, негираше каква било поврзаност помеѓу смртта на Навални и унапредувањето, минимизирајќи ја како нормална процедура.
Можеби ќе ве интересира
ПРЕДУПРЕДУВАЊЕ ПОРАДИ ОПАСНОСТ ОД СМРТОНОСНА „ТРИПЛЕДЕМИЈА“: Заразата со три вируси оддеднаш може да биде фатална
ПУТИН САМИОТ ЈА СРАМНИЛ СО ЗЕМЈА ЛУКСУЗНАТА ВИЛА ВО СОЧИ: Ќе гради нова, побезбедна?
УРАГАНОТ „КРИК“ СЕ ДВИЖИ КОН ЕВРОПА: Еве каде ќе удри, носи силен ветер и дожд
РУСИН КОЈ СЕ БОРЕШЕ НА СТРАНАТА НА УКРАИНА ЗАГИНА: Станува збор за познат активист
„МЕГА“ ХАКЕРСКИ НАПАД НА РУСКИТЕ МЕДИУМИ ЗА РОДЕНДЕНОТ НА ПУТИН: Дали Украинците стојат за нападот?
ВЛАДИМИР ПУТИН НАПОЛНИ 72 ГОДИНИ: Како од сиромашно момче стана моќен лидер?
„ЌЕ ДОНЕСЕМЕ МИГРАНТИ ОД БУДИМПЕШТА ВО БРИСЕЛ И ЌЕ ГИ ОСТАВИМЕ ПРЕД КАЦЕЛАРИИТЕ“: Орбан се закани
ЕВЕ КОИ СЕ ТРИТЕ НАЈПРИВЛЕЧНИ ЗЕМЈИ ЗА БОГАТАШИТЕ: имаат најатрактивни понуди за „трагачите“ по златна виза
„ХЕЛЕНА“ ИМ ОСТАВИ БРОЈНИ ЖРТВИ, НО СЕГА ПРИСТИГНУВА И „МИЛТОН“: Овој ураган може да биде уште побезмилосен
