ПАЃААТ СУХОИ! ПУТИН ЗА ТРИ ДЕНА ОСТАНА БЕЗ ДУРИ ШЕСТ АВИОНИ, тврди украинската војска
Објавено во: Свет 19 Февруари, 2024
Украинската противвоздушна одбрана денеска собори уште два руски воени авиони кои истрелаа ракети врз позициите на украинските сили, изјави началникот на украинската армија Олександр Сирски.
Во објава на својот канал Телеграм, Сирски тврди дека се уништени ловците-бомбардери Су-34 и ловците-бомбардери Су-35, без да ја открие областа каде што е соборен рускиот авион, пренесува Ројтерс.
Официјален Киев вчера објави дека украинските воздухопловни сили собориле три руски Су-34 и еден Су-35 на истокот на земјата.
„За само три дена непријателот загуби шест авиони“, објави денеска на Телеграм Александар Пављук, новиот шеф на украинските копнени сили.
Русија не ги коментираше овие тврдења на официјален Киев, а Ројтерс не беше во можност да ја потврди точноста на изјавата од украинската страна.
(Танјуг)