ПАРИТЕ ЌЕ ЛЕГНАТ НА СМЕТКА НАЈДОЦНА ДО КРАЈОТ НА ГОДИНАВА - аванс за дивиденда за акционерите на УСЈЕ од 22 милиони евра
Објавено во: Економија 12 Декември, 2024
За акционерите на УСЈЕ ќе се распредели аванс на дивиденда во вкупна сума од 22 милиони евра или 2.404 денари бруто по акција.
Таква одлука донел Одборот на директори на компанијата, без одржување на седница, а за оваа одлука акционерското друштво ја информираше инвеститорската јавност преку ценовно чувствителна информација објавена на Берзата.
Инаку, како што е познато, за првите девет месеци од годинава скопската цементарница УСЈЕ оствари добивка на износ од нешто повеќе од 25 милиони евра.
„Одборот на Директори без одржување на седница на ден 11.12.2024 година донесе ОДЛУКА за распределба на аванс на дивиденда за периодот јануари – септември 2024 година. За периодот јануари – септември 2024 година, Друштвото оствари добивка во износ од 1.538.476.213 денари (25 милиони евра - н.з.). За периодот јануари – септември 2024 година да се распредели аванс на дивиденда за акционерите во бруто износ од 1.355.336.736 денари (22 милиони евра - н.з.), односно 2.404 за една акција“, се вели во објавата од компанијата.
Последен ден на тргување со право на аванс на дивиденда за периодот јануари – септември 2024 година е 25 декември 2024 година. Прв ден на тргување без право на аванс на дивиденда за периодот јануари – септември 2024 година е 26 декември годинава. Датум на евиденција според кој се определува листата на акционери кои имаат право да добијат аванс на дивиденда за периодот јануари – септември 2024 година е 27 декември.
Она што е важна вест за акционерите е дека исплатата на авансот на дивиденда ќе се изврши најдоцна до 31 декември оваа година.
Одлуката стапува во сила со денот на донесувањето, и се овластува Главниот извршен директор да ги преземе сите неопходни дејствија за остварување на распределбата на аванс на дивиденда во согласност со применливите законски одредби.
Н.Н.Ф.
Можеби ќе ве интересира
СРПСКИ МИНИСТЕР СЕ ПОФАЛИ: Се зголемила просечната плата
ХРВАТИТЕ СЕ РЕВОЛТИРАНИ: Странците имаат повисоки плати и повеќе привилегии
ЛУКСЕМБУРГ ИМА НАЈВИСОКА МИНИМАЛНА ПЛАТА: Maкедонија е последна на листата - каде се другите од регионот?
ТАВ Македонија и Меѓународниот Аеродром Скопје не продаваат изгубен багаж
СО ГОДИНИ БАРАА БЕНЕФИЦИРАН СТАЖ, А СЕГА КОНЕЧНО И ГО ДОБИЈА - за нив важи и посебна погодност, ќе примаат по 1.500 евра надомест додека не го исполнат старосниот услов
КАДЕ Е МАКЕДОНИЈА ВО ТРАМПОВАТА ПРИКАЗНА? Антони Пешев открива во Бизнис муабети на Фактор
Самарџиоски во „Бизнис-клуб“: „Инфраструктурата е основа за развој, а регионалната соработка е клучна за напредокот на Македонија“
ВО ЗЕЛКАТА НЕМАЛО ТАКОВ ПРЕПАРАТ?: Пратката била вратена од Хрватска и тестирана, наодите биле негативни
КОЈА Е ПРВАТА СЛОВЕНЕЧКА КОМПАНИЈА КОЈА ДОСТИГНА ВРЕДНОСТ ОД ПЕТ МИЛИЈАРДИ ЕВРА - инвеститорите сѐ повеќе вложуваат во нејзините акции
