Партијата на Амди Бајрам ќе биде дел од Владата
Објавено во: Македонија 15 Мај, 2018
Постигнат е договор во Владата да влезе и партијата на Амди Бајрам, Сојузот на Ромите, потврди премиерот Зоран Заев.
„Досега имаме постигнато договор со Беса на Африм Гаши, со ДПА и со Сојузот на Ромите на Амди Бајрам кој што делуваше независно, но ги поддржуваше политиките на власта. Продолжувам и понатаму да разговарам и со други субјекти. Не би спомнувал имиња затоа што треба органите и телата на партиите да одлучуваат. Штом тоа ќе биде готово ќе биде соопштено од самите партии кои ги номинираат кандидатите“- рече Заев.
Тој очекува најдоцна до крајот на неделата да ги формализира и предлозите да ги испрати до Собрание. Исто така, премиерот очекува при крајот на месецот со новиот владин состав да се разговара и за подолните ешалони односно за директорските места.