ПАЗАРНАТА ВРЕДНОСТ НА ТЕСЛА НАДМИНА ТРИЛИОН ДОЛАРИ: Акциите пораснаа по победата на Трамп

Добивај вести на Viber

Вкупната вредност на сите акции на компанијата „Tesla“ на берзата ја надмина вредноста од еден трилион (1.000 милијарди) долари. Оваа висока пазарна вредност е знак за големата доверба на инвеститорите во компанијата и нејзиниот потенцијал за раст. „Tesla“ е една од ретките компании во светот што ја достигнала оваа вредност, ставајќи ја во категоријата на гиганти како „Apple“, „Microsoft“, „Amazon“ и „Alphabet“ пред еден час

Цената на акциите на Tesla се зголеми за повеќе од шест отсто на 317,6 долари. Со растот на акциите, пазарната вредност на Тесла надмина трилион долари.

Поддршка за Трамп

Со ова компанијата Тесла го зазеде деветтото место меѓу највредните компании во светот.

Акциите на компанијата, чиј извршен директор е Илон Маск, пораснаа откако републиканскиот кандидат Доналд Трамп победи на претседателските избори во САД во вторникот.

Маск, еден од најголемите поддржувачи на Трамп, донираше повеќе од 130 милиони долари за неговата кампања.

Акциите на Tesla пораснаа за повеќе од 27 отсто од почетокот на неделата со изборната победа на Трамп.