ПЕЦАКОВ, КУЗЕСКА, МИТЕВА... „СЛОЖНО“ ВО АМЕРИКА - новите ѕвезди на политиката во Македонија се на студиски престој во САД
Објавено во: Македонија 27 Мај, 2022
Градоначалникот на Охрид од ВМРО-ДПМНЕ, Кирил Пецаков, портпаролката на СДСМ, Богданка Кузеска, новата портпаролка на ВМРО-ДПМНЕ, Марија Митева, во моментов се во Соединетите американски држави на студиски престој.
„Некои од новите ѕвезди на политиката во Северна Македонија моментално се во САД и учествуваат во програмата на Американскиот совет на млади политички лидери (ACYPL)“, објави на својот фејсбук профил Амбасадата на САД во Македонија.
Тие, како што стои во објавата, присуствувале на серија состаноци во Вашингтон и Њу Џерси за да научат повеќе за различни федерални држави, а во Вашингтон имаа шанса да се сретнат со претставници од Американскиот совет за законодавна размена.
Тие исто така го посетија Претставничкиот дом на САД, Врховниот суд на САД и Националната асоцијација на јавни обвинители. Во Њу Џерси тие го посетија Генералното собрание на Њу Џерси, се сретнаа со комесарот на округот Морис.
„Следете го Американскиот совет на млади политички лидери за повеќе фотографии и детали од програмата“, напишале од Американската амбасада.
На една од фотографиите е интересно дека претставниците на ВМРО-ДПМНЕ се од едната страна, а на СДСМ од другата страна, „чисто поради баланс во САД на студиски престој“.