Пешевски: Растот на БДП укажува на поволни трендови во економијата

Добивај вести на Viber

- Растот на БДП во првите два кваратала од годинава е над проектираното, изјави денеска вицепремиерот задолжен за економски прашања Владимир Пешевски кој за  растот во втората половина од годинава е  умерен оптимист. - Најновите статистички податоци укажуваат на поволни трендови во македонската економија. Растот од 2,9 во првиот и 3,9 проценти во вториот квартал од годинава се над она што го проектиравме. Тоа ја прави Македонија една од најдобро и најбрзорастечките економии во Европа. Сепак, треба да бидеме внимателни поради се уште недобро закрепнатата европска економија, изјави Пешевски. Тој посочи дека во втората половина од годинава очекува значително подобри резултати во делот на привлекувањето  странски инвестиции. И останатите сектори, нагласи, би требало да продложат со раст онаму каде што постојат услови, а и сите останати економски политики кои ги спроведуваме  би требало да продолжат да даваат резултати. Според објавените податоци на Државниот завод за статистика Бруто домашниот производ во вториот квартал од годинава бележи раст од 3,9 проценти.