Пешевски смирува: Системот е стабилен, пензии има на време
Објавено во: Економија 10 Ноември, 2016
По информациите дека уплатите во приватните фондови повторно доцнат, вицепремиерот за економски прашања Владимир Пешевски ги смирува граѓаните. Тој уверува дека пензискиот систем е стабилен, а дека пензиите навремено се исплаќаат
„Граѓаните не треба да се почувствуваат загрозени или загрижени за пензискиот систем. Тој е стабилен, а пензиите се исплаќаат навреме како и секогаш во изминатите 10 години. Така и ќе продолжи. Се разбира, секојпат може економистите да имаат различни погледи на работите, но она што е важно е што се случува реално на терен“, рече Пешевски, одговорајќи на новинарски прашања по работилницата за Целите за одржлив развој на ОН, во врска со извештаите на ММФ и Светска банка.
Тој додаде дека Македонија особено во делот на државниот долг, спаѓа меѓу најниско задолжените земји во светот, притоа вели дека и покрај сите забелешки како една долгорочна визија дека човек треба да биде внимателен не постои никаков простор за најмала загриженост.