Петков вели дека во однос на Македонија не се обрзуваат со рокови
Објавено во: Македонија 23 Мај, 2022
Бугарскиот премиер Кирил Петков вели дека најважно е да продолжи конструктивниот дијалог меѓу Скопје и Софија и да не се подлегнува на провокации.
Тој кажа дека не се обрзале на некои рокови. Петков во изјава за бугарските медиуми повтори дека е потребно да се свика бугарскиот Консултативен совет за национална безбедност на кој би се разговарало за сето она што досега го направиле владите на двете земји.
„Единственото нешто на што се обврзавме е да го задржиме добриот тон, а министерствата за надворешни работи да продолжат да работат. Ветивме дека ќе го задржиме конструктивниот тон. Очекуваме во наредните недели и месеци различни групи кои не сакаат добрососедство меѓу Бугарија и Република Северна Македонија да се обидат да предизвикаат провокации“, изјави Петков.