07 Октомври, 2022
0.0230

ПЛАТИ И НАД 55 ИЛЈАДИ ДЕНАРИ, СЕ БАРААТ ЕКОНОМИСТИ И ИНФОРМАТИЧАРИ - еве што треба да исполните ако сакате да работите во Народна банка

Објавено во: Финансии 15 Август, 2022

Добивај вести на Viber

Првата монетарна куќа, односно Народната банка, повторно има потреба од нови вработувања, а овој пат тоа ќе бидат главно економисти кои ќе работат во пооделните дирекции, иако повторно се бараат и информатичари. Дел од нивните плати ќе бидат навистина примамливи и ќе изнесуваат и над 55 илјади денари.

Централната банка распиша оглас за прием на четворица извршители, кои ќе работат за различни суми на месечни надокнади.

Според огласот од централната банка, НБМ бара тројца извршители во Дирекцијата за платни системи. Првиот треба да работи на определено време во траење од две години, на работното место „помлад аналитичар почетен II степен“ во Отсекот за платен промет со странство за државата и државните органи.

Потоа, вториот извршител исто ќе биде на определено време во траење од две години, на работното место „помлад аналитичар почетен II степен“ во Отсекот за политика и развој на платните системи. Третото вработување е планирано за  извршител на неопределено време, на работното место „аналитичар II степен“ во Отсекот за политика и развој на платните системи.

И, четврти извршител се бара на определено време во траење од една година, на работното место „самостоен супервизор за информативни системи II степен“ во Канцеларијата за супервизија на информативни системи.

Сите профили што се бараат треба да исполнуваат и посебни услови.

Имено, за првото работно место кандидатите треба да имаат завршен факултет од областа на економските науки, да бидат со или без работен стаж, да имаат познавање на англиски јазик, работа со компјутер, платен промет, платни системи и познавања од областа на работењето на Народната банка. И оние што ќе конкурираат за второто место треба исто да имаат завршен економски факултет, со или без работен стаж, и да ги имаат истите познавања. За третото вработување, пак, кандидатите треба да имаат завршен факултет од областа на информатичките науки, да имаат работен стаж најмалку две години, да имаат познавање на англиски јазик, работа со компјутер, платни системи, платежни услуги и познавања од областа на работењето на Народна банка.

И, за четвртото место кандидатите треба да имаат завршен факултет од областа на економските науки, да имаат работен стаж најмалку три години стекнат по завршување на високото образование, да имаат познавање на регулативата која ја уредува примената на информативната технологија во финансискиот систем, познавање на ИТ системите кои ги применуваат банките и останатите финансиски институции во земјава, познавање на законската и подзаконската регулатива за работењето и супервизијата на банките, штедилниците, давателите на услуги брз трансфер на пари, и слично.

За сите овие кадри се наведува дека работното време ќе почнува меѓу 8 и 9 часот, а завршува помеѓу 16 и 17 часот.

Висината на основната нето плата за првите две работни места изнесува 35.081денар, додека за време на пробната работа таа е само 50 отстоили 17.986 денари, а за време на приправничкиот стаж ќе биде 70 проценти или 24.819денари.

За третото место платата ќе биде многу подобра и ќе биде на ниво од 53.159 денари, со исклучок на времето на пробната работа, кога овој човек ќе зема половина од платата.

И конечно, за четвртата работна позиција што се бара, платата ќе биде 55.616 денари, со исклучок само на периодот на пробната работа.   

А еве какви плати се нудат за новите вработувања во Управата за цивилно воздухопловство.

Н.Н.Ф.

Можеби ќе ве интересира

ШТО Е СТАГФЛАЦИЈА И КОЛКУ ВЛАСТИТЕ ГО СФАТИЈА СЕРИОЗНО ПРЕДУПРЕДУВАЊЕТО ОД СВЕТСКА БАНКА - еве кои се препораките на економските аналитичари

ШТО Е СТАГФЛАЦИЈА И КОЛКУ ВЛАСТИТЕ ГО СФАТИЈА СЕРИОЗНО ПРЕДУПРЕДУВАЊЕТО ОД СВЕТСКА БАНКА - еве кои се препораките на економските аналитичари

СИТЕ ДЕТАЛИ ЗА НОВИОТ ДОЛГ НА ЗЕМЈАВА ОД 250 МИЛИОНИ ЕВРА - во „Службен весник“ е објавена одлуката за издавање регистрирани хартии од вредност преку Дојче Банк

СИТЕ ДЕТАЛИ ЗА НОВИОТ ДОЛГ НА ЗЕМЈАВА ОД 250 МИЛИОНИ ЕВРА - во „Службен весник“ е објавена одлуката за издавање регистрирани хартии од вредност преку Дојче Банк

МАКЕДОНЦИТЕ ПОТРОШИЛЕ 195 МИЛИОНИ ЕВРА ОНЛАЈН, најголем дел од трансакциите се кај домашни продавници

МАКЕДОНЦИТЕ ПОТРОШИЛЕ 195 МИЛИОНИ ЕВРА ОНЛАЈН, најголем дел од трансакциите се кај домашни продавници

ЕВРОТО ЗАЈАКНА, ДОЛАРОТ ПАДНА - Се очекува ЕЦБ повторно да ги зголеми каматните стапки

ЕВРОТО ЗАЈАКНА, ДОЛАРОТ ПАДНА - Се очекува ЕЦБ повторно да ги зголеми каматните стапки

ЛАГАРД: ЕЦБ ЌЕ ПРОДОЛЖИ ДА ГИ ЗГОЛЕМУВА КАМАТИТЕ, иако тоа ќе го ослаби растот

ЛАГАРД: ЕЦБ ЌЕ ПРОДОЛЖИ ДА ГИ ЗГОЛЕМУВА КАМАТИТЕ, иако тоа ќе го ослаби растот

РЕГУЛИРАЊЕ НА КРИПТО ПАЗАРОТ, ММФ повикува на глобален одговор кој ќе ги пополни регулаторните празнини

РЕГУЛИРАЊЕ НА КРИПТО ПАЗАРОТ, ММФ повикува на глобален одговор кој ќе ги пополни регулаторните празнини