По повеќе од година и пол дена, денеска завршува кризната состојба поради Ковид-19

Добивај вести на Viber

По повеќе од година и пол дена, денеска завршува кризната состојба во Македонија, предизвикана од пандемијата со вирусот Ковид-19, соопшти Центарот за управување со кризи. Денеска е последен ден од оваа состојба, која Владата ја прогласи на 20 ноември 2020. Првично беше краткорочна, а потоа Собранието на три пати ја продолжуваше по шест месеци.

„Центарот за управување со кризи известува дека рокот за постоење на кризна состојба на територијата на Република Северна Македонија, заради заштита на јавното здравје во услови на постоење на пандемија прогласена од Светската здравствена организација од заразната болест COVID-19 предизвикана од вирусот SARS-CoV-2 и заради спречување од негово ширење во зголемен обем со што се загрозува безбедноста на здравјето на населението, завршува денес (30.06.2022 година) на полноќ“, соопшти ЦУК.

Во ноември 2020 оваа кризна состојба за прв пат беше прогласена на ниво на целата територијата на држава, на барање на Советот за безбедност. Претходно, претседателот Стево Пендаровски, од март до јуни 2020 пет пати прогласуваше краткорочни бонредни состојби.