ПО ПОВЕЌЕ ОД СЕДУМ ДЕЦЕНИИ: Уште една земја откри големо наоѓалиште на злато
Објавено во: Економија 14 Ноември, 2025 20:25
Кина пронајде едно од најголемите наоѓалишта на злато во својата понова историја.
Ова се случува по повеќе од седум децении. Според податоците на Министерството за природни ресурси, рудникот Дадонггоу, лоциран во североисточната провинција Лиаонинг, содржи 1.444,49 тони докажани резерви на благородниот метал, јавува агенцијата „Анадолија“.
Државниот весник Global Times соопшти дека рудникот веќе ја поминал проценката за економска исплатливост, што го отвора патот кон негов развој и почеток на експлоатација. Се работи за „суперголемо“ наоѓалиште на отворен коп, а официјалните податоци посочуваат дека подрачјето над 720 метри надморска височина содржи околу 2,586 милијарди тони руда. Просечната концентрација на злато изнесува 0,56 грама по тон.
Посебно впечатлив е фактот дека истражувачкиот процес траел само 15 месеци – темпо што кинеските власти го оценуваат како пример за идни „краткоциклични и висококвалитетни“ геолошки истражувања.
Србија исто така откри големо наоѓалиште на злато.foto freepik.com
Можеби ќе ве интересира
ВАЛУТАТА ПОТОНА: Се тргуваат 1,3 милиони риали за еден американски долар
Најскапиот град во светот за излегување е во Азија
Сијарто: Унгарија потпиша договор со САД за снабдување со течен природен гас
Каде во Србија пензионерите најчесто купуваат недвижнини?
Објавен e план за решавање на кризата со домувањето во Европа: Ќе бидат потребни два милиони станови годишно
Од 2027 година, ќе биде потребен дигитален пасош за облека за пазарот во ЕУ
Божиновска во Прага: македонскиот електроенергетски систем се усогласува со европските оперативни стандарди
Дурмиши: Јајцата поскапеа поради цените на светските берзи
