ПО ПРВАТА ПРЕСУДА, СЛЕДИ „СЛУЧАЈ ТИТАНИК“: Груевски денеска на обвинителна клупа за злосторничко здружување

Добивај вести на Viber

Минатата недела екс премиерот ја доби првата пресуда за предметот „Тенк“ која му донесе две години затвoрска казна а веќе денеска седнува на обвинителна клупа за случајот „Титаник“.

Во случајот „Титаник“ СЈО ги сомничи поранешниот премиер Никола Груевски, но и поранешните функционери Мартин Протуѓер, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

Колку за потсетување, СЈО ги сомничи погоре наведените лица за изборни нерегуларности .

„Имено, во 2012 година, осомничените кои имале својства на министер за внатрешни работи, министер за транспорт и врски и секретар на Владата на Р.Македонија, сите членови на извршен комитет на партија, заедно со други, засега непознати лица, искористувајќи го своето реално влијание и службена положба, а заради понатамошно опстојување на власт на партијата, и на локално и на државно ниво и особено заради нивни непосредни привилегии од практикување на власта, создале група, која имала за цел вршење на кривични дела против изборите и гласањето, а за кои кривични дела може да се изрече казна затвор од три години или потешка казна.

Неделава Никола Груевски треба да се појави на рочишта за случаите „Насилство во Општина Центар“ во петок и на „Траекторија“.