ПОЧИНА ЧОВЕКОТ ШТО ГИ ИЗМИСЛИ КОНЦЕПТОТ НА ПРОДАЖБА „СЕ ПО 99“ ИЛИ СЕ ПО ЕДЕН ДОЛАР: Еве како изгради империја
Објавено во: Свет 21 Февруари, 2024
Хиротаке Јано, јапонски милијардер, основач на компанијата Daiso Industries, кој помогна да се популаризира концептот на дисконт сè за еден долар (нешто како нашите продавници сè за 99 денари), почина од срцева слабост, пишуваат странските медиуми.
Во соопштението на компанијата се вели дека Јано починал во Хирошима на 12 февруари. Членовите на потесното семејство одржаа приватен погреб и ќе се организира комеморација, се додава.
Нетото богатство на Јано беше околу 1,9 милијарди долари во моментот на неговата смрт, според индексот на милијардери на Блумберг, како што објави Си-Ен-Ен.
По дипломирањето на Универзитетот Чуо во Токио во 1967 година, Јано работел на различни работни места пред да отвори мала продавница околу пет години подоцна во која се продавале производи за 100 јени, тогаш еквивалентни на околу 30 центи, според Даисо.
Тој ја основал компанијата во 1977 година и ја нарекол Даисо, што во превод значи „создавање нешто големо“.
Синџирот, сега глобална компанија, продава секакви задоволства и предмети за домаќинството, вклучувајќи канцелариски материјали и грицки, главно за помалку од еден долар по парче.
Таа прерасна во малопродажна империја, со над 4.360 продавници низ Јапонија и повеќе од 990 продавници во странство до крајот на 2023 година, според нејзината веб-страница.