ПОЧИНА ДОАЈЕНОТ НА МАКЕДОНСКАТА ХИРУРГИЈА И ЧОВЕКОТ ШТО ЈА ИЗВРШИ ПРВАТА ОПЕРАЦИЈА НА ОТВОРЕНО СРЦЕ - збогум за проф. д-р Димитар Кафтанџиев
Објавено во: Македонија 19 Мај, 2023 11:21
Вчера, во Скопје, по кусо боледување, почина проф. д-р Димитар Кафтанџиев, доајен на македонската хирургија и основоположник на современата македонска торако-васкуларна и кардиохирургија. Проф. д-р Димитар Кафтанџиев бил раководител на тимот, кој пред 50 години, на 30.мај 1973 година ја извршил првата операција на отворено срце во државава.
Извршувал повеќе општествено-стручни и раководни функции. Бил продекан на Медицинскиот факултет во Скопје, директор на клиниката за торако-васкуларна хирургија, како и директор на Хируршките клиники при Медицинскиот факултет во Скопје.
Автор е на две монографии со наслов ,,Рак на дојка“ и ,,Рак на тиреоидна и паратиреоидни жлезди“, како и на многубројни стручни и научни трудови, презентирани во земјава и во странство.
Добитник е на многубројни награди и признанија, меѓу кои, Орденот за заслуги за народ со сребрена ѕвезда на СФРЈ, Државната награда ,,11 Октомври”, како и наградата на град Скопје ,,13 Ноември”.
Посмртните останки на проф. д-р Димитар Кафтанџиев ќе бидат погребани утре, на градските гробишта ,,Бутел” во Скопје.
Можеби ќе ве интересира
ФАКТОР НА ДЕНОТ: Министерката за финансии негира затворање на Трезорот
Нема да се издаваат изводи, венчаници и други потврди - ќе има штрајк во Управата за водење на матични книги
Овој град од соседството е гастрономски рај со евтини цени: Еве каде Македонците јадат како локалци, а плаќаат помалку
Од фирма од Битола до невладина од Скопје: кој стои зад „Зимзоленд“
Апелација ја зголеми казната затвор за Васил Јованов на 13 години
Кривичен суд: Kaтица Јанева осум месеци на условен отпуст
Пријава против поранешниот градоначалник на Демир Капија за контаминирање вода за пиење
