ПОЛЕКА, НО СИГУРНО СЕ ВРАЌААТ НА СТАРИТЕ „ПАТЕКИ“: АД МОДА ги намали загубите, остваруваат соработка со нови партнери

Добивај вести на Viber

Компанијата АД Мода Свети Никола, која важи за една од најуспешните текстилни компании во Македонија, по долги години успешна приказна и континуиран извоз во Германија, сега се бори со намалени порачки.

Според последниот извештај доставен до Македонска берза, АД МОДА и понатаму се соочува со проблеми во работењето, и иако имаат евидентирано загуби, сепак, потенцираат дека финансиските резултати се подобри од минатогодишниот. 

Во рамки на редовниот деветмесечен извештај за остварувањата на компанијата, е посочено дека во извештајниот период компанијата оствари производни и финансиски резултати подобри од истиот период минатата година. 

- Остварен е извоз од 542.391 конфекциски единици од кои 514.397 за Казамода од Германија и 27.994 за други партнери за извоз. Остварен е извоз во вкупна вредност од 2.906.027 евра - се посочува во извештајот објавен на Македонска берза. 

Појаснуваат дека и во текот на 2025 година продолжило намалувањето на побарувачката од главнот партнер од Германија, која се движи околу 3.000 парчиња дневно, а производствениот капациет достигнвуа до 3.300 парчиња дневно. 

- Со цел да се задржи моменталното производство и бројот на вработени АД МОДА обезбедува додатни количини од други партенери. 

Остварената продуктивност, изразена преку девизен привли на 1 работен час изнесува 8,03 евра на час и е малку подобра од минатогодишната - се посочува во извештајот. 

Исто така се укажува дека остварените расходи од работењето се за 6 отсто повисоки од минатогодишните. 

- Најголем раст има кај трошоците за плати кои се поголеми за 9 отсто од истиот период минатата година. Забележано е и зголемување на услугите и други трошоци од работењето, но нивното учество во вкупните трошоци од работењето е занемарливо, бидејќи трошоците за вработените учествуваат дури со 82 проценти во однос на вкупните оперативни расходи, што зборува за трудоинтензивниот карактер на дејноста, но исто така и за поголемиот раст на трошоците за плати во однос на цените на услугите кои ги обезбедува претпријатието за странските партнери - се посочув во извештајот објавен на берза. 

Меѓу другото компанијата информира дека остварена е загуба пред оданочување во износ од 7.686 илјади денари, и додаваат дека таа e помала во однос на остварената загуба за истиот период минатата година.

Во извештајниот период АД МОДА нема исплаќано дивиденди, ниту пак вложувања во опрема и нови инвестиции.

П.О.